7 Bedroom House in Tergniet

Hierdie 450m2 woning bestaan uit twee vlakke, en kan gemaklik twee families gelyktydig huisves. Dis gelee hoog op teen n rand in die rustige Tergniet-strandgebied wat uitstekende see-uitsig bied.

Die boonste vlak bestaan uit die volgende:

Indrukwekkende ingang, baie groot ligte woonvertrek wat bestaan uit oop-plan kombuis met eet- en leefvertrek, plus n addisionele leefvertrek en braaikamer wat oor die see uitkyk dan het dit ook n baie ruim hoofslaapkamer met eie volledige badkamer, plus twee addisionel slaapkamers wat n badkamer deel.

Die onderste vlak bestaan uit:

Groot leefvertrek, kombuis met opwas-plek, gekoppel met eetvertrek. Verder het dit n groot, ruim hoof-slaapkamer met eie badkamer en leefarea heeltemal weg vd hoof-slaapkamer is 3 addisionele slaapkamers met vol badkamer en aparte toilet, plus n sonvertrek, en n aparte waskamer.

Die boonste en onderste vlak is met n binne-trap verbind. Die trap is tans afgeskort/toegemaak. Dit is gedoen om die privaatheid van elke vlak te verseker, maar kan maklik weer oopgemaak word.

Buite voor die huis, op onderste vlak is daar ook n groot oop patio plus een groot toesluit-motorhuis en stoorplek, met skadu-parkering vir twee voertuie terwyl daar drie veilige straatparkerings beskikbaar is by die boonste vlak.

Skakel ons om besigtiging te reel!